蘇媽.蘇媽馬來西亞茶餐室 (已結業)

今日約咗班朋友飯聚，有5個人，其中一個朋友話去呢度，去到唔使等位，用QR code落單，一打開餐牌，被其中兩個小食所吸引，都係多士，一睇就知好味，4個人分啱啱好，但非常邪惡，中間塊厚切牛油入口即溶，加埋咖央醬，好味道程度到食左會肥同增磅都忘記曬，仲有肉骨茶好夠藥材味，豬手夠淋，內裡五花腩肉入口即溶，肉骨茶飲完可叫職員添加，不另收費，至於黑义燒即係豬頸肉，不過不失，另外兩碗粉麵，雞湯河及白咖哩油麵，湯底夠濃，份量亦夠，不像坊間部份名店食完碗粉麵好似未食前咁樣，飲品叫了馬來西亞咖啡同拉茶，兩樣都非常好飲，尤其拉茶味濃值得推介。