小城鎮 (已結業)

每個地方都有你值得欣賞嘅地方，好似呢間小城鎮，喺北角一條巷仔裏面，地理位置不是太突出，但係就有性價比高嘅食物。一進店內，環境好靚，牆上有顯示六個地方嘅時鐘，店主好像想告訴我們，時間的重要性，好有趣。我們四人叫了一個四人餐，湯和頭盤各叫了兩份，喝了羅宋湯及吃了沙律。羅宋湯充滿牛尾味，非常濃郁，但卻沒有一般羅宋湯的辣味，不吃辣的朋友可以嘗試一下。另外沙律很豐富，有多元化的水果在裏邊，包括芒果粒粒和香橙粒粒，沙律菜頗新鮮，清除爽口的。小食方面我們叫了小城鎮炸雞翼以及黑菌牛柳粒配薯蓉，炸雞翼啱啱炸起，充滿椒鹽味道，皮脆肉嫩。而黑菌牛柳粒配薯蓉，薯蓉連切條嘅紅椒同青椒一齊食，一腍一脆，口感特別。薯蓉整得好腍好香。牛柳粒細細粒，和切條嘅洋蔥拌在一起食十分香口。飲品方面，發現這裏有冷熱綠茶供應，亦不用額外收費，強烈推薦凍綠茶，比起某大品牌供應的冰凍綠茶，更解渴更有茶香。