魚滑粥粉麵茶餐廳 (已結業)

下午係大埔運動場做完運動，途經呢間茶餐廳又見未食午餐，所以就入咗去開餐喇。叫咗時菜牛筋腩飯，因為飲品要另外叫無得跟餐，覺得有啲貴所以無叫到，但侍應姐姐幾好人，主動比咗碗例湯 (紫菜葱花湯) 比我，雖然只係一款好簡單同應該唔太值錢既湯，但碗湯都幾有誠意。時菜牛筋腩飯 ($45) : 牛筋腩份量頗多，而且牛筋腩亦炆得軟稔，不過可惜白飯只係微暖，如果係熱辣辣相信會更滋味。