影片
更多
2022-05-12
20 瀏覽
以前嘅九龍城寨，被稱為三不管，曾經係人見人驚嘅地方，但現今已經成為咗舊香港嘅一大特徵。一聽間餐廳名就知道係行懷舊風，佢嘅裝修又真係好體現到呢種味道！牆上嘅壁畫以及鋪頭嘅每個角落，都見倒有花唔少心思去設計，有少少香港舊時嘅漫畫味道。枱櫈係有少少似大排檔嘅風格，但都有稍為改良，坐得耐都唔會覺得唔舒服餐牌都成份報紙咁，真係好得意，可以慢慢鑽研吓~兩碟開胃小食都係會收錢的，質素絕對唔馬虎。涼伴青瓜夠新鮮，食落爽口。花生烘得岩岩好，食落乾身脆口。呢盆醬料都真係唔惹小，多選擇之餘，有幾款仲係自家製作，真係有心！特別推介自家製乾蔥油同埋沙嗲醬，百搭之餘仲帶出倒食材嘅味道！湯底我地叫咗復古味沙爹湯，湯嘅質地唔會好厚身，但味道濃度足夠，好容易就烚到入味，而真係食倒沙爹香味~我哋叫咗例牌嘅安格斯牛頸脊，份量已經非常多，夠兩至三個人食。每塊淥大概20秒就岩岩好，油脂唔會完全流失，食倒好濃嘅牛味！鮮蝦雲吞以及五寶丸都係大大力推介，食落真係啖啖海鮮，唔係溝粉溝到冇晒肉味。脆鯇片都係好新鮮好爽口，記得小心細細條嘅魚骨啊！黃金鮮魷係邪惡之選，真係落咗好多咸蛋黃，黃金汁沾滿晒成舊魷魚，啖啖都超香口！食咗太多熱氣嘢，所
牆上嘅壁畫以及鋪頭嘅每個角落，都見倒有花唔少心思去設計，有少少香港舊時嘅漫畫味道。枱櫈係有少少似大排檔嘅風格，但都有稍為改良，坐得耐都唔會覺得唔舒服
餐牌都成份報紙咁，真係好得意，可以慢慢鑽研吓~
兩碟開胃小食都係會收錢的，質素絕對唔馬虎。涼伴青瓜夠新鮮，食落爽口。花生烘得岩岩好，食落乾身脆口。
呢盆醬料都真係唔惹小，多選擇之餘，有幾款仲係自家製作，真係有心！特別推介自家製乾蔥油同埋沙嗲醬，百搭之餘仲帶出倒食材嘅味道！
湯底我地叫咗復古味沙爹湯，湯嘅質地唔會好厚身，但味道濃度足夠，好容易就烚到入味，而真係食倒沙爹香味~
我哋叫咗例牌嘅安格斯牛頸脊，份量已經非常多，夠兩至三個人食。每塊淥大概20秒就岩岩好，油脂唔會完全流失，食倒好濃嘅牛味！
鮮蝦雲吞以及五寶丸都係大大力推介，食落真係啖啖海鮮，唔係溝粉溝到冇晒肉味。
脆鯇片都係好新鮮好爽口，記得小心細細條嘅魚骨啊！
黃金鮮魷係邪惡之選，真係落咗好多咸蛋黃，黃金汁沾滿晒成舊魷魚，啖啖都超香口！
食咗太多熱氣嘢，所以叫咗榨竹庶茅根，好抵飲，大大壺，每人都飲倒4-5杯，岩岩好解倒渴同埋消滯。
有餐廳選擇揉合本地嘅文化歷史作為裝修，我覺得係幾唔錯，唔止從電視劇先感受到唔同時代嘅香港，去食野都一樣得！
張貼
