推廣中的任食大閘蟹 $528 一位, 未計茶未加一.
我哋兩個大人一個小朋友總共𠄘為$1809.
即係大概$600 位. 我自己覺得今次大閘蟹嘅質素… 極差!
首先係味道: 如果做 blind tasting, 我唔知道自己食緊咩! 個人覺得啲蟹完全冇味. 蟹膏 - 會以為自己食緊啲蛋黃, 仲要係過熟嘅蛋黃… 其實係比蛋黃更差! 因為如果買到啲靚嘅日本蛋係會有蛋味, 我地食到嘅呢堆大閘蟹, 我地覺得係絲毫味道都沒有, 蟹肉亦都係無味的…
其次就係大細: 唔知每隻有幾重, 好似下面張相所影, 淨係蟹身就係大概, 紙巾嘅一半size 咁大.
最後就係主食: 主食都煮好攤晒響枱度, 冇遮冇掩冇蓋, 顧客自己走出去攞. 好多係灘凍左, 連包填鴨塊皮都唔熱的.
我用同一個價錢去九龍城買返屋企自己蒸, 可以買到6隻足六兩嘅蟹, 相比起今次呢餐, 自己覺得會滿足好多. 是次成為我個人人生第一次食大閘蟹最差嘅體驗 ^以上純屬個人意見^
