影片
更多
2025-04-10
125 瀏覽
【🏮九十番地居酒屋 - 君怡酒店裡嘅昭和時光】✨偕同知己密友嚟到君怡酒店1樓嘅「九十番地居酒屋」，一踏入門口即刻被巨型嘅招財貓同埋傳統和式燈籠吸引住目光！呢度嘅裝潢充滿昭和年代嘅復古風情，坐位闊落舒適，絕對係聚餐嘅好地方～今次試咗一連串以吞拿魚為主角嘅菜式，簡直係吞拿魚愛好者嘅天堂！打頭陣係極品吞拿魚三重奏，大拖羅油脂豐腴，入口即溶；中拖羅油花均勻分佈，口感層次豐富，赤身部分肉質結實，魚油香氣十足，三種部位各有千秋至於特色壽司同樣出色🍣吞拿魚面頰及吞拿魚腦天肉肉質嫩滑，油分極高，魚味濃厚、吞拿魚魚蓉壽司則帶出另一種層次嘅鮮味，加埋嗰塊甜甜地脆卜卜嘅紫菜，味道平衡得好好～枝豆同唐揚炸雞作為佐酒小食都做得唔錯，仲有汁煮茄子，香濃入味得嚟唔會太油膩，連埋啲木魚絲一齊夾入口中好惹味！燒物方面，吞拿魚下顎係必試！大大件嘅吞拿魚下顎要用刀叉切開先搞得佢掂！下顎表面香脆可口，唧啲檸檬汁食仲更加惹味，入面魚肉嘅份量出奇地多，油脂豐腴、食完感覺吸收咗滿滿嘅OMEGA 3👍跟住就係外層脆卜卜嘅雜錦天婦羅，炸蝦嘅外皮做得幾好，香脆可口卻又唔會過於厚重～仲有個魚湯烏冬🍜湯底鮮甜，烏冬麵身偏幼容易吸收湯汁，仲有
偕同知己密友嚟到君怡酒店1樓嘅「九十番地居酒屋」，一踏入門口即刻被巨型嘅招財貓同埋傳統和式燈籠吸引住目光！呢度嘅裝潢充滿昭和年代嘅復古風情，坐位闊落舒適，絕對係聚餐嘅好地方～今次試咗一連串以吞拿魚為主角嘅菜式，簡直係吞拿魚愛好者嘅天堂！
打頭陣係極品吞拿魚三重奏，大拖羅油脂豐腴，入口即溶；中拖羅油花均勻分佈，口感層次豐富，赤身部分肉質結實，魚油香氣十足，三種部位各有千秋
至於特色壽司同樣出色🍣吞拿魚面頰及吞拿魚腦天肉肉質嫩滑，油分極高，魚味濃厚、吞拿魚魚蓉壽司則帶出另一種層次嘅鮮味，加埋嗰塊甜甜地脆卜卜嘅紫菜，味道平衡得好好～
枝豆同唐揚炸雞作為佐酒小食都做得唔錯，仲有汁煮茄子，香濃入味得嚟唔會太油膩，連埋啲木魚絲一齊夾入口中好惹味！
燒物方面，吞拿魚下顎係必試！大大件嘅吞拿魚下顎要用刀叉切開先搞得佢掂！下顎表面香脆可口，唧啲檸檬汁食仲更加惹味，入面魚肉嘅份量出奇地多，油脂豐腴、食完感覺吸收咗滿滿嘅OMEGA 3👍跟住就係外層脆卜卜嘅雜錦天婦羅，炸蝦嘅外皮做得幾好，香脆可口卻又唔會過於厚重～仲有個魚湯烏冬🍜湯底鮮甜，烏冬麵身偏幼容易吸收湯汁，仲有啲海帶同菇類，係暖胃之選！
壓軸係以特色雪花冰作結，啖啖都係柚子嘅清新香氣🍊解膩功力一流，仲有可愛嘅招財貓糖果裝飾，打卡之餘又可以食埋佢落肚sweet sweet，完美收官🍧
無論係同朋友聚餐定係同另一半嘆住浪漫日式晚餐，「九十番地居酒屋」都絕對係值得一試嘅好地方🥢
張貼
