影片
更多
2018-04-11
412 瀏覽
約咗好友嚟沙田搵食，友人說想吃粵菜，但又想嘆下點心，問我可有好提議。咁就容易喇，一於交俾我安排。選了位於偉華中心 2 樓嘅「富臨薈」，餐廳走年輕路線，門面設計採開放式，地方闊落，環境光猛，座位寬敞舒適，令人感覺輕鬆自在。店舖以賣新派粵菜和精緻點心為主，另外亦有川菜及甜品等提供，應該啱友人口味。無嚟一排，原來餐廳最近推出咗一系列春日限定的新菜式，除了有兩款賣相非常精美的點心拼盤「甜點薈」同「動物農莊拼盤」之外，另外亦有好幾款別致的小食、主菜和飲品，淨係睇張點菜紙上面嘅相片，已經覺得好吸引，今次真係無揀錯嚟呢度開餐。友人非常眼利，發現原來惠顧飲品，每款可免收一位茶位費，反正近日天氣回暖，就先每人點杯飲品解下熱。這兩杯係四季戀人 ($38) 同藍色多腦河 ($38)，前者係以熱情果炮製，而後者就用上藍莓、梳打同紅茶膽製作，兩杯都配咗新鮮雜莓粒，味道酸甜清新，春意十足。新出嘅小食共有四款，包括醉鴨胸、芙蓉蕃茄、乾坤雞翼同我地揀的糖漬栗子 ($42)。栗子以一隻不規則的三角碟盛上，搶先嘗一粒，質感稍嫌硬實，幸好入口微甜富栗香，而且食落不會乾爭爭。友人說想吃點心，兩款點心拼盤賣相都好吸引，心大心細
約咗好友嚟沙田搵食，友人說想吃粵菜，但又想嘆下點心，問我可有好提議。咁就容易喇，一於交俾我安排。選了位於偉華中心 2 樓嘅「富臨薈」，餐廳走年輕路線，門面設計採開放式，地方闊落，環境光猛，座位寬敞舒適，令人感覺輕鬆自在。店舖以賣新派粵菜和精緻點心為主，另外亦有川菜及甜品等提供，應該啱友人口味。
無嚟一排，原來餐廳最近推出咗一系列春日限定的新菜式，除了有兩款賣相非常精美的點心拼盤「甜點薈」同「動物農莊拼盤」之外，另外亦有好幾款別致的小食、主菜和飲品，淨係睇張點菜紙上面嘅相片，已經覺得好吸引，今次真係無揀錯嚟呢度開餐。
友人非常眼利，發現原來惠顧飲品，每款可免收一位茶位費，反正近日天氣回暖，就先每人點杯飲品解下熱。這兩杯係四季戀人 ($38) 同藍色多腦河 ($38)，前者係以熱情果炮製，而後者就用上藍莓、梳打同紅茶膽製作，兩杯都配咗新鮮雜莓粒，味道酸甜清新，春意十足。
新出嘅小食共有四款，包括醉鴨胸、芙蓉蕃茄、乾坤雞翼同我地揀的糖漬栗子 ($42)。栗子以一隻不規則的三角碟盛上，搶先嘗一粒，質感稍嫌硬實，幸好入口微甜富栗香，而且食落不會乾爭爭。
友人說想吃點心，兩款點心拼盤賣相都好吸引，心大心細，最後都係決定揀動物農莊 ($138)。拼盤有鹹又有甜，以一個三層高的精緻「鳥籠」盛載，賣相吸睛，惹來鄰桌不少艶羨目光。
先吃最底層用籐織籃盛著嘅兩款點心，包括有有雞先定有蛋先同箭豬叉燒包。三隻可愛嘅小雞，其實係脆而不韌的家鄉鹹水角，造型活靈活現，而中間兩隻蛋殼就載住滑溜滋潤、甜度合宜的楊枝甘露布丁。箭豬叉燒包炸得金黃酥脆，裡面的叉燒餡肥瘦適中，而且入口更撒發出陣陣叉燒香氣，讓人回味無窮。
中間嗰層係得意可愛的棉花白兔仔同紅豆蘿蔔仔，棉花糖質地非常軟綿，面頭沾滿椰絲，咬落唔黐牙；而紅豆蘿蔔仔其實係用上甘筍汁做成嘅紅豆鹹水角，入面嘅紅豆餡軟腍得來又唔糊口，咬下有紅豆香，食落煙韌唔太甜。
至於頂層的天鵝金枕酥，望落去形態逼真、栩栩如生，宛如翩翩起舞的小天鵝。輕咬一口，外層酥皮香口鬆化，而入面的榴槤餡料，味道濃郁但又不會太膩口，榴槤迷必試。
食完點心就輪到吃主菜，揀左三款，先嚟一客故宮東坡肉 ($58)，一聽到「東坡肉」三個字就感覺肥膩，所以平日極少會點，不過友人想吃，就一於捨命陪君子。幸好這件東坡肉做得好有水準，油而不膩，鬆化有口感，尤其是肥肉部分，入口即化，鮮嫩多汁，非常好吃。
而另一款主菜就揀左豆酥鱈魚 ($128)，鱈魚件頭唔細，既厚切又大塊，魚肉甘香軟嫩；而豆酥亦是新鮮製作，以黃豆攪碎成黃豆蓉，再爆炒成香脆豆酥，入口充滿黃豆的甘香，與淡口的魚扒十分匹配。
友人是個蟹痴，所以壓軸選了一客以竹蒸籠盛裝的紅蟳米糕 ($328)，所謂紅蟳米糕，其實即係籠仔膏蟹糯米飯，兩隻蟹身形雖然唔算好健碩，但蟹膏奇香，質感軟綿，而糯米由於吸收左蟹汁嘅鮮甜，每一口都滲出膏蟹的鮮香，好不誘人，亦為這晚劃上美好的終結！
張貼
