影片
更多
2010-05-20
4 瀏覽
19-5-2010收工即興同朋友食 dinner, 無頭緒又無乜錢的情況下, 嚟到呢間朋友 C 曾經介紹過的呢間樓上店平平哋搞掂, 好在約 8:00pm walk in 都有位.2 人叫了一人一 pasta, 再 share 兩款小食, 食到飽飽的:-小食 #1 汁燒豬頸肉: 連錫紙兜 serve 熱辣辣的, 份量亦絕對唔「小」 醬汁似平日食鰻魚的「照燒」汁味, 不過就更甜, 唔算十分喜歡; 豬頸肉偏瘦, 食落邊位帶少少脆身, 不過咬落都幾韌又幾乾, 沾唔到醬汁的部分仲帶點豬臊味 , 絕對唔喜歡. 小食 #2 芝士蒜蓉元貝焗薯茸: 面頭兩粒(急凍)帶子焗至乾身, 食落少少脆口, 帶蒜蓉味, 算係咁; 下面的薯茸就幾好食, 質地有點粗糙, 不過薯味香, 蒜蓉及牛油更香, 配上少少「起絲」的微燶半溶芝士, 食唔停口 主食揀了「白酒忌廉汁青口意大利扁麵」... linguini 唔係 al dente, 但尚算有咬口, 算煮得及格吧;「白酒忌廉汁」份量 ok, 每一條 linguini 都沾到, 不過食唔到酒香, 亦其實唔算好 creamy, 印象一般; 青口肉細隻得很, 賣相似「
收工即興同朋友食 dinner, 無頭緒又無乜錢的情況下, 嚟到呢間朋友 C 曾經介紹過的呢間樓上店平平哋搞掂, 好在約 8:00pm walk in 都有位.
2 人叫了一人一 pasta, 再 share 兩款小食, 食到飽飽的:-
小食 #1 汁燒豬頸肉: 連錫紙兜 serve 熱辣辣的, 份量亦絕對唔「小」 醬汁似平日食鰻魚的「照燒」汁味, 不過就更甜, 唔算十分喜歡; 豬頸肉偏瘦, 食落邊位帶少少脆身, 不過咬落都幾韌又幾乾, 沾唔到醬汁的部分仲帶點豬臊味 , 絕對唔喜歡.
小食 #2 芝士蒜蓉元貝焗薯茸: 面頭兩粒(急凍)帶子焗至乾身, 食落少少脆口, 帶蒜蓉味, 算係咁; 下面的薯茸就幾好食, 質地有點粗糙, 不過薯味香, 蒜蓉及牛油更香, 配上少少「起絲」的微燶半溶芝士, 食唔停口
主食揀了「白酒忌廉汁青口意大利扁麵」... linguini 唔係 al dente, 但尚算有咬口, 算煮得及格吧;「白酒忌廉汁」份量 ok, 每一條 linguini 都沾到, 不過食唔到酒香, 亦其實唔算好 creamy, 印象一般; 青口肉細隻得很, 賣相似「淡菜」多 d , 食落完全無味, 好處就係唔腥吧. 唔多好食的一碟 pasta, 可以不試.
試了少少朋友的 spaghetti carbonara, 意粉煮得太腍身, 醬汁極 creamy 又帶點杰身, 不過蛋香十足, 又估佢唔到; 配料就好似無煎 / 炒過般, 食落 bacon 軟弱無力, 洋蔥完全無焦香, 真係 朋友就竟然話呢碟 carbonara「同(佢)自己煮嗰 d 差不多」...!?
不過喺銅記 dinner 環境又幾好坐, 2 人埋單只 $110, 平平哋都不能太苛求吧... 雖然我唔會再來食嘢 (飲嘢又另當別論), 不過一試無妨的.
P.S. 標題其實同食評無關, 只係店名令我諗起小時候某齣卡通片...
張貼
