由出面睇已經覺得佢好高級，而且都好多人幫襯，入面嘅光線柔和舒適，感覺良好
去到個陣咁啱係哆頭蟶節，主打蟶子，真係啱哂我口味，我最鍾意食嘅海鮮就係蟶子，仲要有咁多款㖭
啲蟶子鮮甜多汁，而且蛋入面仲有好多粒，好足料，蛋皮完全包住哂啲蟶子，所以佢地唔會甩出嚟，每口都鮮鮮鮮！
花雕蒸蟶子一樣咁肥美多汁，花雕嘅酒味更加提到蟶子嘅鮮味出嚟，口感仲好爽彈~
條百秒黃花魚最正嘅地方就係佢唔腥唔臭，仲有少少酒味，可能係啲酒辟走咗佢嘅腥味，肉質仲好嫩滑
我同阿媽都係甜品控，呢碗蓮子銀耳湯清甜又解渴，而且仲可以進補一下，阿媽每食一啖都係咁讚
我就叫左紫薯泥，個樣靚靚，咁會太甜，連埋下面嘅芒果汁一齊食就更正！
果然不負所望，水準仍是很高！
