皇室冰廳 (已結業)

肉燥鹽酥雞👍今日放lunch跟同事搵食，呢間茶記裝修設計幾得意，有啲香港街道既名，細得黎整體黎講都算企理，等位留意到唔少捧場客都叫外賣。我試左午餐A台式肉燥鹽酥雞球飯，份量都幾多下，鹽酥雞幾大件，肉質都幾嫩滑，鹹度剛剛好，平時最驚就係雞肉太多鹽好鹹，肉燥汁都係好惹味，撈飯一流，仲有搭配椰菜食下，一開始想配意粉，職員特意提我味道可能會有啲奇怪因為係中式菜，我都無唸到呢樣野所以好彩職員提一提就即刻轉返飯，成個味道配搭都正路好多😹其他姐姐又有禮貌耐性，就算午市好忙都比我地慢慢唸😹