今晚喺VIP房同朋友慶祝生日，環境超豪華似私人會所！可以打桌球、唱K、仲開咗幾枱麻雀，勁好玩又舒服～✨
招牌白胡椒蟹蟹肉鮮甜爆棚🦀，白胡椒香氣濃郁但唔嗆喉，惹味到連鉗都啜埋！絕對係必點之選～
帝王香烤京式片皮鴨鴨皮脆卜卜🔥，油香滿溢！用摩摩包住加埋甜醬食，邪惡但停唔到口啊～
遠年陳皮脆皮燒鵝伴陳村粉燒鵝皮脆肉嫩🍗，陳皮香超獨特！陳村粉吸盡精華，口感滑溜又入味～
紅燒王子乳鴿+清蒸龍躉斑仔（套餐A）乳鴿鹹香juicy🐦，龍躉蒸得剛好鮮甜嫩滑🐟，套餐抵食又有質素！
兩支紅酒配海鮮一流🍷，白蘭地濃醇易入口🥃，慶祝氣氛即刻滿分～
成晚菜式水準超高，蟹同片皮鴨印象深刻，環境好玩到癲，一定會再嚟搞party！🎊
