影片
更多
2019-09-22
603 瀏覽
日期：9月22日人數：3人自從京瑞廣場開業之後，石門就多咗好多食肆。除咗大名鼎鼎嘅陳x記之外，仲有好多唔同嘅餐廳。所以就一家人去搵下野食。京瑞廣場就喺石門地鐵站旁邊，交通好方便。除咗地鐵之外，仲有巴士同小巴都可以到。來到二期一樓，兜左成個圈，終於搵到呢間坐落喺角落嘅餐廳。站面好細，只有大概四五張枱，坐到十幾人。裝修都算可以接受，牆壁上有幾把扇做裝飾。餐廳主要供應麵食同埋小食，款式唔算好多，麵可以轉米粉。我哋一行三個人，叫咗竹笙雞絲湯麵、蟲草花雞絲豬肚湯麵、同埋海蝦球撈麵，仲有香煎豬頸肉。湯底係原味嘅自家制、用雞肉、豬肚熬制嘅湯，冇落味精。小弟食完面之後，係飲晒成碗湯嘅。的確下晝返到屋企都唔口渴。湯麵都有唔少配菜，好似雲耳、杞子同埋豌豆苗。但可能係因為配菜係預先準備好，所以湯底唔夠熱，被配菜整凍左。面較為林，稍欠彈性，唔夠爽口。湯麵配料味道正常。而撈麵係配豉油同埋辣椒油。辣椒油味道幾好，反而用嚟配雞絲又幾好味。咁多樣餸之中以蝦球最好，又爽又有蝦味，碟撈麵食到一半先記得影相。服務員係我食到一半嘅時候，同我地講唔夠的話可以免費加麵或者米粉，啱晒我呢啲大食嘅人。但唔可以加湯。咁我哋就加咗一份米
人數：3人
自從京瑞廣場開業之後，石門就多咗好多食肆。除咗大名鼎鼎嘅陳x記之外，仲有好多唔同嘅餐廳。所以就一家人去搵下野食。京瑞廣場就喺石門地鐵站旁邊，交通好方便。除咗地鐵之外，仲有巴士同小巴都可以到。
來到二期一樓，兜左成個圈，終於搵到呢間坐落喺角落嘅餐廳。站面好細，只有大概四五張枱，坐到十幾人。裝修都算可以接受，牆壁上有幾把扇做裝飾。
餐廳主要供應麵食同埋小食，款式唔算好多，麵可以轉米粉。我哋一行三個人，叫咗竹笙雞絲湯麵、蟲草花雞絲豬肚湯麵、同埋海蝦球撈麵，仲有香煎豬頸肉。
湯底係原味嘅自家制、用雞肉、豬肚熬制嘅湯，冇落味精。小弟食完面之後，係飲晒成碗湯嘅。的確下晝返到屋企都唔口渴。湯麵都有唔少配菜，好似雲耳、杞子同埋豌豆苗。但可能係因為配菜係預先準備好，所以湯底唔夠熱，被配菜整凍左。面較為林，稍欠彈性，唔夠爽口。
湯麵配料味道正常。而撈麵係配豉油同埋辣椒油。辣椒油味道幾好，反而用嚟配雞絲又幾好味。咁多樣餸之中以蝦球最好，又爽又有蝦味，碟撈麵食到一半先記得影相。
服務員係我食到一半嘅時候，同我地講唔夠的話可以免費加麵或者米粉，啱晒我呢啲大食嘅人。但唔可以加湯。咁我哋就加咗一份米粉，米粉係果款彎彎地的霸王花米粉。煎豬頸肉味道正常，可再腌制多啲，煎得再香啲。
環境整潔衛生，而老闆/服務員好耐心講解唔同面食嘅款式，服務亦好貼心。價錢方面，埋單找數每人50幾蚊，價錢合理。由於可以加麵底，所以一家人都食得好飽。
我猶豫左好耐，始終呢間係一間食麵嘅餐廳，雖然餐廳係唔少地方做得唔錯，但我覺得面唔夠好食，所以我最後選擇‘一般’嘅評級。
張貼
