潮江春 (荃灣廣場)

營業中

休息中

星期日同屋企人去睇傢私電器，11點鐘左右行過就見好多人排緊隊，預左一個鐘左右睇完就拎定飛先，點知一黎已經係等70張枱。慢慢行慢慢睇大約一個鐘就真係到我地食啦。點心完全無意外蝦餃超大粒足料同棉花雞超級滑。燒乳鴿既擺盤好可愛，上菜時個個都掛著打卡先相機食先。最吸引我地既菜式都係潮洲黃金煎伊麵同潮洲家鄉煎蠔烙，係門口既poster都用佢地既圖片就知賣相同味道有一定水準，伊麵加上醋同糖一齊食好開胃，就算食到半飽時都唔會令肚好脹。蠔烙即係蠔蛋雖然無poster份量咁足，但係無用咁生粉無平時d蠔蛋蠔位咁膠唔錯唔錯。