利苑酒家 (創紀之城五期(apm))

營業中

休息中

今日是六月最後的星期日，我們一行六人預早訂咗觀塘APM利苑12:30飲茶連午餐，我們12:30到咗，但應該係上一輪嘅食客未食哂，所以遲咗10分鐘先有人帶我哋去到我們用餐既枱。六人枱分開三人、三人枱，窗外是樓景，是裕民坊公共交通交匯處。就我們這段時間光顧這集團既經驗，利苑集團應該每三至四個月都會將點心紙上面嘅食物和價錢更新一次，大家都可以比對下。就個人而言，我覺得佢哋嘅點心價錢偏貴，食物嘅質素並非完全反映價錢之上。我們入座先點了一壺$88天山雪菊，可以抵過4個人的茶位錢，這壺天山雪菊還用了透明茶壺，中間隔渣器有杞子、菊花，喝起來就是像西式的花茶，是挺精緻的，老人家想喝傳統中茶就不必選這個了。之後我們都點了各種點心、小餸、白飯。食物質素不過不失，賣點也是精緻為主。總體分量還是比較少，蝦餃、松露素菇包基本都是一啖一個，唔明點解叫原隻蒸蝦餃，我都頗肯定無原隻蝦，一般點心店都更勝這平均$10.5一粒的小蝦餃。食了一小時十五分鐘左右，六人合共食了$796，人均$133，並不是食了好飽。而我們離開的時候，還許多人在排隊。總括而言，光顧這間就是食名氣和位置，性價比並不高。