正宗水上人蒸氣鍋專門店 (已結業)

今日早左走，多時間啲就食個蒸氣火鍋啦。好似無咁肥又蒸比較健康。依度醬汁有菜甫 大頭菜，好正！平時個d都無既！有不同辣汁比你擇添。食阿拉斯加蟹時，好貼心有小剪刀比我地。2人食份量都大隻，肉質鮮嫩。海中蝦有肓同大隻，蝦味濃點。胭脂蚌同海沙白都係蜆類，後者口感爽，但前者就好重海味。黃沙峴係送既，同海沙白差不多，但我覺得黃沙峴仲細隻同味道集中點。美國生蠔爆大隻，無沙頭！值得一食！蟲草花蒸雞，比較多蟲草花，肉細但夠黃。肉比實同油花多。怪味禾豚肉好得意個樣，少少炸菜咁。有點似沙嗲汁？配豬肉中和左肥！臘味糯米飯，糯米飯好沐好煙咬口，臘腸好好食，落左少少油係飯，所以特別香口。冰菜好少食到，好似小冰點係菜上面，但數會好奇怪，汁好痴咁，幾爽既。薑汁糕好似咖啡小甜品，好軟但唔會太辣薑味，唔錯！南瓜西施豬骨粥有哂以上所有精華，南瓜味唔算多，但有豬骨所以好大豬肉同岩岩海鮮味。依度服務不錯，話比我地知邊樣耐啲，如果餓可以食乜先咁。每一樣食物都唔會老，而係岩岩好，特別係蟹同蝦，海鮮類好好食。