R&Y's International Cuisine @Freshlane (樂基商業中心) (已結業)

星期日晚上懶洋洋，發現屋企附近新開左間外賣店「R&Y’s International Cuisine」，主打家族秘製星洲沙嗲系列。除咗可以透過網上外賣平台order，仲可以用Whatsapp預先落單自取，非常方便星加坡雞肉沙嗲便當串燒雞肉已去皮，啖啖肉，採用家族秘製星洲沙嗲醬，香濃味美，帶少許花生醬香～便當配台式紅蔥醬雜菜炒飯及焦糖燒南瓜田園沙律🥗飯裏加咗青瓜、三色豆及台式紅蔥醬一齊炒，幾有鑊氣，香口惹味！星加坡雜錦沙嗲(半打)雞肉、牛肉、豬肉樣樣有齊，每款有兩串。所有串燒都係即叫即燒，熱辣辣，香噴噴～牛肉&豬肉串都肉味濃郁👍🏻所有淨串燒系列均會配焦糖南瓜田園沙律，口感爽脆，新鮮滋味