影片
更多
2022-06-27
253 瀏覽
小時候家住北角既唐樓，一屋分幾戶出租，所以同一屋簷下住左幾伙來自不同地方不同背景既「同屋住」（就似依家既割房）那時侯人情比較純樸，同屋共住感情也可以如親人般親厚，互相幫助，家人要返工，同住既「房客」就幫忙湊小孩；過時過節「同撈同煲」一齊食飯一齊慶祝，好不熱鬧，這種情懷，現今已不復見了🥹昔日香港很多事只能回味，來到「同撈同煲」食火鍋，勾起唔小童年回憶，感慨世事多變！這裡走的是懷舊路線，六、七十年代的舊香港情懷，大排檔圍爐既畫面活現眼前。圍爐最重要有靚湯底，#鹹蛋芥菜湯 夠晒地道風味，雖然唔係貴價食材，卻是最家常味道，用上2個大鹹蛋，湯底鹹香清甜又降火，好岩夏天。#懷舊蝦多士，兒時很喜歡的小食，依家都唔係度度食到。蝦膠鮮味彈牙，多士炸得金黃香脆，完全無油膩感，等待其他配料煮熟之時食份外滋味。火鍋不能缺一定是肥牛，#安格斯牛肉 絕對係穩陣之選。每片牛肉油脂如網紋分佈，比例均稱，厚薄適中，灼至剛熟，入口嫩滑無渣，肉味甘香又不過濃，正岩我既口味。對餃子類一向唔算熱愛，但依度既 #鳳城水餃 真係要試。粒粒脹卜卜好飽滿已經夠晒吸引，煮完無瀉開，層皮保持到韌度，咬落肉汁鮮味，仲有大大隻鮮蝦，鮮甜爽彈，
昔日香港很多事只能回味，來到「同撈同煲」食火鍋，勾起唔小童年回憶，感慨世事多變！這裡走的是懷舊路線，六、七十年代的舊香港情懷，大排檔圍爐既畫面活現眼前。
圍爐最重要有靚湯底，#鹹蛋芥菜湯 夠晒地道風味，雖然唔係貴價食材，卻是最家常味道，用上2個大鹹蛋，湯底鹹香清甜又降火，好岩夏天。
#懷舊蝦多士，兒時很喜歡的小食，依家都唔係度度食到。蝦膠鮮味彈牙，多士炸得金黃香脆，完全無油膩感，等待其他配料煮熟之時食份外滋味。
火鍋不能缺一定是肥牛，#安格斯牛肉 絕對係穩陣之選。每片牛肉油脂如網紋分佈，比例均稱，厚薄適中，灼至剛熟，入口嫩滑無渣，肉味甘香又不過濃，正岩我既口味。
對餃子類一向唔算熱愛，但依度既 #鳳城水餃 真係要試。粒粒脹卜卜好飽滿已經夠晒吸引，煮完無瀉開，層皮保持到韌度，咬落肉汁鮮味，仲有大大隻鮮蝦，鮮甜爽彈，好有水準。
#秘製格格肉
用豬頸肉串起，煮既時間要長一點，本來以為咁既肉煮完會好韌，點知又唔係喎，繼續保留到豬頸肉爽彈嘅口感，肉味甘腴獨特，難怪係推介食材之一。
飲品都好抵，全用啤酒杯上，大杯到夠飲到食完成餐飯。大檸茶、大檸樂、菠蘿冰，唔係特別野，就是懷舊冰室必備，滿是地道的情懷。
食完仲有甜品一定要試，花奶啫喱有幾懷舊？睇下隻啫喱杯同上面既雨遮裝飾，回憶返晒黎！最特別係鯉魚年糕，放湯底煮8分鐘撈起，剪細滾上花生碎變特色糖不甩，咁嘅食法都係第一次，仲有專人幫你炮製，相當暖心！
讓人懷緬住昔的一餐，高質食材加上仿如舊日的人情味，口腹飽足，心靈也滿足！
張貼
