燒蝦蝦 (興泰大廈) (已結業)

呢間燒蝦蝦係屯門市中心，真係好方便好易去，任食兩個半鐘，一家大細去就岩晒👨‍👩‍👧‍👦我地一家人去，小朋友見到啲流水蝦好興奮，係水池任夾，無蝦佢地會好快refill到，啲蝦好生猛，小朋友夾得好開心😂夾到上黎燒果陣仲好新鮮，有小朋友就唔落咁重調味，反而食到蝦既鮮甜味，蝦肉爽口彈牙，完全唔霉，食得好放心❤️小朋友燒野食都係中意食腸仔，丸呢啲，呢度都有，供應好齊全，一般既肉類都有得燒，又係好新鮮，好似豬腩肉燒完肉質好好，軟腍香口，棒棒💞呢度仲有唔同海鮮都係任食架，生蠔啦，蜆啦，扇貝啦好多唔同款既海鮮，全部都唔會有雪味臭味，我地大人就最中意，加啲蒜蓉辣椒去燒仲惹味添🤭