CAFÉ LANDMARK

營業中

休息中

不只一次來CAFE LANDMARK，很想念呢度幾個菜式，每次來都照常ORDER, 不會怕悶。SUMMER DRINK 加了BLUEBERRY LYCHEE，好飲到不得了，足料十足之餘，仲啖啖荔枝肉，呢個組合有新意，如果大家之後食鵝肝，記住飲番杯開定個胃。胡麻沙律醬幾時係我至愛，配生菜當然最MATCH，加埋新鮮的蟹肉，我成碟清晒。龍蝦湯，無得挑剔，只係龍蝦肉有D實，雖然見到舊肉，但就唔係好咬到，但個湯真係好味。鵝肝唔係個個LIKE，不過我就好喜歡，不過，唔敢成日食，因為真係好肥。呢度的做法間中會變一變，好似今次就用左梨來煮，酸酸甜甜，中和左鵝肝的油膩，我個人吃左成舊，飽左成晚。其實當晚唔係好多人，但上菜就耐左少少，搞到我開頭果時，食左幾塊麵包頂住個胃。當晚9點已經D人走得七七八八，只係得2圍剩，搞到我地都唔敢坐得太耐。