影片
更多
2017-06-07
36 瀏覽
係日本同女朋友食過明太子，就已經喜愛上呢一種咸咸辣辣既味道但係番到黎香港之後，搵唔到有一間專門用明太子既餐廳但係今次我女朋友搵到呢到，拿拿臨捉我食番餐久違既日本明太子呢到雖然樓上舖，但設計得好有特色，微暗既燈光加上柔和既音樂仲可以買啲明太子既產品一試自己既身手黎到鱈卵屋，一定要嘗試明太子，因為呢到係專門店，即刻嗌個明太子雙拼先一碟有兩種食法，貪心既選擇。原味食到真正明太子既風格，咸，鮮，辣，集於一身，面頭有一層薄膜，咬落去就係口中爆開，沖擊味蕾而燒明太子用火灸方法燒過，增加一種火烤既味道，令風味更一步提升明太子拌刺身真係未試過，點一款又好似意猶未盡於是點左個鱈卵三色刺身拼盤，一次過滿足哂三個願望將肥美嘅三文魚切成條狀再加以明太子調味， 鹹鮮嘅味道令三文魚油膩感減低，形成呢款三文魚明太，而這種風味更令人不能停口而辣味沙律吞拿魚係將味道偏腥偏重嘅吞拿魚切成粒狀， 在拌上特製嘅辣味醬汁， 令吞拿魚增添咗一種風味，辣辣地又帶一點刺激。博多既芝麻醬帶有清幽嘅芝麻香味，每一啖都有一種芝麻味停留喺口腔，而油甘魚本身就帶有豐富嘅魚油， 當油甘魚配上芝麻醬， 整道博多芝麻醬油甘魚即刻變成輕盈既小食作為前
呢到雖然樓上舖，但設計得好有特色，微暗既燈光加上柔和既音樂仲可以買啲明太子既產品一試自己既身手
明太子雙拼
$128
2 瀏覽
0 讚好
0 留言
黎到鱈卵屋，一定要嘗試明太子，因為呢到係專門店，即刻嗌個明太子雙拼先一碟有兩種食法，貪心既選擇。
原味食到真正明太子既風格，咸，鮮，辣，集於一身，面頭有一層薄膜，咬落去就係口中爆開，沖擊味蕾
而燒明太子用火灸方法燒過，增加一種火烤既味道，令風味更一步提升
鱈卵三色刺身拼盤
$198
17 瀏覽
0 讚好
0 留言
明太子拌刺身真係未試過，點一款又好似意猶未盡於是點左個鱈卵三色刺身拼盤，一次過滿足哂三個願望
將肥美嘅三文魚切成條狀再加以明太子調味， 鹹鮮嘅味道令三文魚油膩感減低，形成呢款三文魚明太，而這種風味更令人不能停口
而辣味沙律吞拿魚係將味道偏腥偏重嘅吞拿魚切成粒狀， 在拌上特製嘅辣味醬汁， 令吞拿魚增添咗一種風味，辣辣地又帶一點刺激。
博多既芝麻醬帶有清幽嘅芝麻香味，每一啖都有一種芝麻味停留喺口腔，而油甘魚本身就帶有豐富嘅魚油， 當油甘魚配上芝麻醬， 整道博多芝麻醬油甘魚即刻變成輕盈既小食
炸竹輪魚蛋明太子
$68
17 瀏覽
0 讚好
0 留言
作為前菜既炸竹輪魚蛋明太子，鬆脆嘅炸漿有著紫菜嘅香味， 而內餡嘅明太子帶有鹹鹹辣辣嘅味道為本身味道不重既竹輪抹上一絲色彩
牡蠣芝士鐵板明太奶油醬
$89
6 瀏覽
0 讚好
0 留言
睇到個菜名“牡蠣芝士鐵板明太奶油醬”就好奇個味道會有特別
原來奶油醬配上明太子會出奇地合拍同味道濃郁既廣島蠔同煮，奶油醬既甜味輕微掩蓋明太子既咸味，只剩下少量既辣味，再用來烹調廣島蠔，令蠔味都滲到醬汁內，就算食完蠔肉，剩落黎既醬汁都可以一匙一匙咁食
鱈卵碗 配油甘魚JR
$99
14 瀏覽
0 讚好
0 留言
鱈卵碗係一碗飯會有三種食法， 有多款魚生去選擇配搭，仲可以揀大碗或者細碗好貼心既餐單今次我地揀左細碗飯配油甘魚
一嚟到首先將佢拌勻先食第一碗， 第二碗質加上附送嘅配料， 而第三碗更加入去地特製嘅日本高湯 品嚐第一碗嘅時候，會有比較清新味道， 只會有配上嘅魚生既魚香味同少量明太子既咸鮮味
到第二碗嘅時候， 加上自己喜愛嘅配料，有黑白芝麻，蔥花，紫蘇葉，紫菜同芥末， 各有喜好
當到第三碗嘅時候， 加入佢哋特製嘅日本高湯， 有一種 茶壺漬嘅感覺， 高湯帶有少少鰹魚同昆布嘅味道， 溫和咁將飯同所有配菜調和圓潤
最後一碗飯作出一個完滿又滿足嘅終結。
張貼
