樂園牛丸王 (已結業)

上星期二晚去大角咀辦點事後再出旺角買d野，九點幾想吃個quick dinner，於是光顧這家旺角中心對面的樂園牛丸大王（因為方便搭車返屋企），每次去樂園都必定會吃牛肚，因為樂園的牛肚一定是金錢肚，而且炆得好腍，於是叫碗紫菜牛肚麵，因為時間不早所以不算很爆滿，但叫的食物還是要等五分鐘才送到面前（對比總店速度真是慢了），等候其間有幾個阿姐大大聲你話我我話你，有少少火藥味，好似街市。碗麵味道OK，但不夠腩汁，匆匆吃過便埋單走人。還是覺得舊金聲戲院附近o個間好一點！