Pause It (已搬遷) 新店位置

放假同朋友外出覓食，嚟到一間位於旺角嘅新咖啡店~店如其名，餐廳環境以白色為主題，室内設計簡約，令人覺得好舒服，的確係一個歇脚嘅好地方~唔單止環境舒適，食物亦非常高質！我同朋友order咗卡邦尼意粉、燒粟米、cobb salad、charcoal latte 同taro latte。卡邦尼意粉好creamy，上面撒左巴馬臣芝士，食落更香濃！cobb salad有牛油果、生菜、車厘茄煙肉等材料，dressing 有啲似千島醬，味道清新。燒粟米係三款食物之中最好味嘅，粟米本身清甜多汁，上面嘅醬汁有d似沙律醬加明太子嘅味道，食落辣辣地，相當惹味！兩杯飲品嘅拉花都好靚。charcoal latte 飲落無咩特別，同普通latte差唔多，但係味道都OK嘅，相比之下，taro latte就非常突出，味道唔會太甜，充滿奶香同芋頭香味，感覺有d似食緊芋頭雪糕，飲落好舒服~第時響旺角行街行到攰，都可以嚟呢度hea下啦~