今次揀咗呢間新開嘅和牛Boss😎，熱愛和牛嘅我，即刻行埋去睇吓有咩嘢食，餐牌選擇都幾多，除咗有主打嘅關西燒之外，仲有啲小食、串燒、鐵板燒炒麵同丼飯等等。
🐖豚平關西燒［胡蔴芥末風］$48
小店大推嘅關西燒，淨係睇圖片已經覺得好吸引，實物同相片一樣，可以加$5又爆芝士，我冇加芝士都已經好好味，豚肉煎到好香口感煙靭，搭配埋蛋、沙律醬、木魚等等，入口真係好滿足。
🍝野菜和牛炒拉麵 $78
和牛口感嫩滑，配合野菜同埋煙靭嘅炒麵炒埋一齊，成碟真係好香，好夠鑊氣。
🍛咖喱和牛肋條丼 $88
呢個飯真係好大盒，肉粒口感鮮嫩，配埋咖喱汁食好開胃，咖喱汁略嫌唔夠辣，勝在咖喱香味濃。
🍽️汁燒黑松露豚肉丼 $78
呢個大熱必點嘅飯，米飯🍚選用了珍珠米。黑松露同豚肉真係好夾，豚肉煎到好香，再配埋黑松露，同淋上一層燒汁，成個飯充滿日式風味。
🐟鐵板鰻魚丼 $58
兩大片嘅鰻魚用鐵板煎到好焦香，搭配鰻魚汁、芝麻同紫菜一齊食，係一個美味嘅丼飯😋
🐂壽喜燒金菇和牛卷 $48
呢個係我最鍾意嘅小食之一，和牛同金菇都索晒壽喜燒啲醬汁，入口甜甜地又充滿肉汁嘅香味，正！
🍢蔥燒黑豚卷 $48
新鮮豚肉包住洋蔥🧅，令豚肉片變得帶有香甜照燒風味，咬落去食到多汁大蔥，味道可口又香氣十足，令人食指大動！
🌮香蔥和牛薄燒多士 $58
鮮嫩的牛包住蔥粒，中和左和牛的油脂味，食落帶有蔥香，味道👅更豐富！
整體而言：值得支持嘅小店，所有嘢食都係即點即整，需要耐心等候。每一道菜都火候、味道都控制得好好，無論係飯、抑或小食，性價比都好高！
1
