小房子 (已搬遷) 新店位置

嗰日係旺角食完飯等睇戲，因為仲有成個幾鐘先開場，見又行到有D攰,想搵撻地方坐陣抖下！啱啱經過小房子樓下，見到個名牌幾靚，加埋唐樓條樓梯，再向上望下！Um......就黎呢度hea陣啦！上左兩層，推門入去！哇！都幾多人，全院滿座！有位小妹妹即刻過黎話等一陣就有位！過左陣有客人走就被安排到2人座！週圍望下！基本上保留左原本單位裝修，再加上老闆有心思既簡約裝修！感覺幾舒服！小妹妹過黎作簡單介紹！我就行左去櫃檯落單！叫左...櫻花梅子梳打…其實味道比較清既凍飲！好輕微花味(其實唔知櫻花乜味), 梅子有梅子味青檸薄荷薑茶…女友就話杯野唔錯，會奉上蜜糖調味！唯一薄荷味唔太濃！Apple crumble…反而女友話呢個甜品做得幾好！雖然我唔係文青都覺得整體上真係唔錯！唯一就早收D同D凳唔太舒服，雖然我有張類似Ikea既木電視凳…