辛手村 (已結業)

又再一次來到旺角黑布街搵食，今次再黎辛手村，上次食過干鍋，今次就特登黎試一下酸菜魚鍋。酸菜魚鍋，份量相當多，湯底都相當清，味道酸酸辣辣，望落去好多乾辣椒，但係辣度都唔算太強勁，魚肉份量都多，撈湯食飯真係一流選擇。除咗酸菜魚鍋，當然要食餐廳個D 串燒，之前已經食過，餐廳D串燒真係好出色。雞肉軟骨棒，厚切牛舌心，豬頸肉，燒到外脆內軟，仲有唔同既調味粉同孜然粉配埋一齊食，真係食到停唔到口。甜品整埋個冰粉解油膩，一絕。