日本野 (已結業)

與mini Friday共享同一個入口的日本野，lunch就出名抵食，原來閒日夜晚都坐爆，証明港風日本野始終有市場🤗晚餐都好多選擇，見好多枱都點了和牛壽喜燒（ $188 ）睇落幾吸引所以試下🥰 和牛超大塊🤩可惜我果份和牛色澤爭d，好彩煮熟左唔覺🤣食落有和牛的香軟，加埋蔬菜同烏冬，份量夠哂！疫情關係好耐無見朋友，難得一聚仲叫左個極上7品刺身（$328），份量好有睇頭，呢個價錢黎講質素算幾好，尤其赤貝刺身好爽甜。牛油果軟學蟹卷 （$88）有6件，份量好大，朋友嫌隻軟殼蟹淋左所以唔食，好彩軟殼蟹係我all time fav😎我一個人食哂5件！！！勁唔勁先😆牛油果都幾新鮮。+10%服務費