天心 (已結業)

響MK買完新鞋，見肚餓就去左打邊邊了，試左呢間申子居酒屋姐妹店天心，晚市既火鍋超級大份又新鮮，依家仲有得送蟹鉗+帆立貝，食到好飽好開心🥰餐廳裝修以木色為主，天花有一排紙傘幾有日本feel，影相都幾靚的。❀廣島蠔香檳鍋❀呢個鍋既湯底係加左半枝香檳，會愈煮愈甜，但係又唔易醉，配料有廣島蠔、虎蝦、蟹鉗、帆立貝+蔬菜菇菇鍋，廣島蠔有8隻，肥美又鮮甜，煮熟左都冇點縮水，蔬菜鍋我最鐘意係福袋，吸哂d湯汁，入面既年糕好煙韌。打完邊邊，店員會幫手加飯+芝士，整個芝士雜炊，芝士超拉芝，邪惡到爆炸😣😣❀牛阪鍵及牛頸脊❀本身驚唔夠飽就加左，牛肉切得幾薄，煮一陣就熟，油花味幾香口，牛肉味濃。❀羽二重芝士奶油夾心餅❀揀左草莓+朱古力味奶油夾心餅，奶油融融地咁好正，食落層次分明，中間仲有軟糯既麻糬，兩款都唔太甜，食完唔怕好heavy。