OPPA韓國燒肉店

營業中

休息中

呢日去到旺角食韓國燒烤， 話說呢間餐廳喺大埔都有分店， 而我哋都去大埔分店食過一次， 覺得上次嘅用餐經驗都幾好， 所以我哋今日再去 幫襯呢間餐廳， 呢度嘅抽風系統都做得唔錯， 我哋食完之後都唔會有一陣燒烤味喺衣服上面， 點完菜之後店員會將蛋漿加落烤板上。oppa 四太子四太子係四隻大扇貝， 會有蒜蓉和牛油做調味， 上菜後店員亦都有幫手燒， 扇貝食落爽口鮮甜， 亦有蒜蓉和牛油嘅香味。豬腩肉我每次食韓燒都會叫豬腩肉， 貪佢較多肥肉， 燒出嚟夠甘香 而韓燒可以用生菜包住嚟一齊食可以減低肥膩感。和牛拼盤盛載和牛拼盤的碟都係牛嘅形狀， 令顧客知道大概塊牛肉係牛嘅邊一個部分， 拼盤內的牛肉油花均勻， 有牛味， 由於脂肪均勻我哋燒耐咗都唔會覺得韌。烤雞石鍋飯烤雞用韓式醃料醃過， 烤出來好香， 個飯本身都加咗啲醬汁， 再加紫菜和蔥絲， 令個飯更香。