Y Dining (已結業)

黎開呢邊睇裝修野，search下附近有咩好食就上左黎，又比想像中正喎。先黎兩款餐包，啱啱焗到熱辣辣表面香脆，怒點油醋汁好開胃。香煎八爪魚鬚好厚肉，我鍾意成條都食到好完整嘅吸盤口感，調味都唔會好複雜，清楚食到食材原味同彈牙口感。 兩塊多士極度酥脆透薄，就咁空口食都毫不遜色。慢煮豬排見到周邊一圈肥膏就知佢軟腍香口，厚身得黎完全唔會乾，好有肉味。 好特別地用茴香片做配菜，聽就聽得多，第一次食fennel，原來本身冇乜味香香地咁，食個功效同清新為主，都幾得意。 Papaya and Yakult Smoothie兩種味道都好突出，唔會好似飲緊益力多咁。 木瓜味道好天然，整體有淡淡奶香唔會死甜，啱晒養生人士。Goose好少地方見到，味道比較淡身易入口，個人覺得有少少果香，好岩女仔飲。Tiramisu見見台台都叫，食落真係有幸福既感覺。 好多時tiramisu都好似純食緊cream咁，呢度塊餅存在感比較重，入口就爆哂酒同咖啡出黎，味道好有層次。