阿來東南亞風味 (已結業)

最近經過旺角見到呢間泰國菜！雖然裝修唔算好特別不過食物都幾吸引😊同朋友兩個人叫咗一個二人餐，除翻開每個人都係百幾蚊都真係幾抵！揀咗一個海南雞飯，海南雞份量都幾多，而且雞肉算係嫩滑有重雞香，雞肉肥美配有泰式酸辣醬同蔥油，而且仲可以選擇要油飯定係白飯星馬蛋黃雞翼，一上枱已經有鹹蛋黃嘅香味外皮炸得夠脆，而且炸粉亦不厚食起上嚟仲有鹹蛋黃起沙嘅質地，相信鹹蛋黃迷會鍾意通菜就夠晒鑊氣，不過留意番食落會有啲辣，所以唔食得辣嘅朋友仔可能要注意下，睇下可唔可以叫小辣不過食得辣嘅就會覺得夠晒惹味！加上爆香左嘅蒜蓉，可口吸引如果想喺旺角選擇一間泰國嘢嘅話，相信呢間都係一個唔錯嘅選擇！