影片
更多
2023-02-22
60 瀏覽
呢度有旺角食堂之稱嘅小草十八怪，佢哋有好多不同種類嘅嘢食，有烤魚、串燒、石鍋飯、米線、荷葉飯等等，而且價錢相宜，所以食飯嘅時間係勁多人排隊，呢次好彩早咗少少嚟先唔洗排隊。椒麻蝦膠腐皮脆卷：即叫即炸，外皮用香脆嘅腐皮包住彈牙鮮甜嘅蝦膠，做到外脆內彈嘅口感，味道鮮甜，蘸埋秘製嘅椒麻醬汁就更加惹味。瑤柱蒜蓉海鮮荷葉飯：用荷葉包住用瑤柱、冬菇、蝦米所做嘅飯底，配埋多款海鮮同蒜蓉一齊蒸，令飯同海鮮都有陣陣荷葉吓清香，而飯身仲有海鮮嘅精華，同埋有蒜蓉嘅香味，令呢個飯嘅味道十分之豐富。石鍋米線套餐：呢度可以揀3餸、6餸同埋9餸三款，呢次揀咗個3餸，有封門牛肉、嫩滑雞肉、墨魚頭，而湯底揀咗人氣嘅沙嗲湯底。而因為3餸只可以店內烹煮，其餘兩個可以揀自己DIY。味道方面湯頭唔講得笑，佢喺以招牌金湯作底，再加上馬來沙嗲糕、香茅、花生、椰子汁、新鮮辣椒等材料所熬製而成，味道濃郁，香辣惹味，用嚟配米線簡直就一流。呢度仲有多款嘅串燒，呢次叫咗豆卜、雞肉、沙嗲牛肉、雞中翼、金菇、牛油粟米。 佢哋嘅火候控制得宜，唔會燒得太乾身，仍然保留肉汁，而味道好有四川嘅風味，我自己最鍾意豆卜同金菇，兩者都索哂嘅醬汁同調味，食落會更
呢度有旺角食堂之稱嘅小草十八怪，佢哋有好多不同種類嘅嘢食，有烤魚、串燒、石鍋飯、米線、荷葉飯等等，而且價錢相宜，所以食飯嘅時間係勁多人排隊，呢次好彩早咗少少嚟先唔洗排隊。
椒麻蝦膠腐皮脆卷：即叫即炸，外皮用香脆嘅腐皮包住彈牙鮮甜嘅蝦膠，做到外脆內彈嘅口感，味道鮮甜，蘸埋秘製嘅椒麻醬汁就更加惹味。
瑤柱蒜蓉海鮮荷葉飯：用荷葉包住用瑤柱、冬菇、蝦米所做嘅飯底，配埋多款海鮮同蒜蓉一齊蒸，令飯同海鮮都有陣陣荷葉吓清香，而飯身仲有海鮮嘅精華，同埋有蒜蓉嘅香味，令呢個飯嘅味道十分之豐富。
石鍋米線套餐：呢度可以揀3餸、6餸同埋9餸三款，呢次揀咗個3餸，有封門牛肉、嫩滑雞肉、墨魚頭，而湯底揀咗人氣嘅沙嗲湯底。而因為3餸只可以店內烹煮，其餘兩個可以揀自己DIY。味道方面湯頭唔講得笑，佢喺以招牌金湯作底，再加上馬來沙嗲糕、香茅、花生、椰子汁、新鮮辣椒等材料所熬製而成，味道濃郁，香辣惹味，用嚟配米線簡直就一流。
呢度仲有多款嘅串燒，呢次叫咗豆卜、雞肉、沙嗲牛肉、雞中翼、金菇、牛油粟米。 佢哋嘅火候控制得宜，唔會燒得太乾身，仍然保留肉汁，而味道好有四川嘅風味，我自己最鍾意豆卜同金菇，兩者都索哂嘅醬汁同調味，食落會更惹味更香口。
張貼
