影片
更多
2018-05-20
112 瀏覽
平時的廚師發板都係啲高級地方先有得食，今次得老婆報料旺角都有廚師發辦，600幾蚊起已經可以食到！見咁抵，地方又咁就腳就同佢黎試下。先黎嘅係前菜，有水雲髮菜蓉 ，千島醬天婦羅蝦，蕃薯枝豆豆腐，銀魚青椒仔，螢光魷魚，魷魚大根。 水雲髮菜其實係海藻，樣子似發菜。幾款先付酢後冰冰涼涼酸酸甜甜，係個開胃好開端。前菜之後就係刺身，有3款，有粒貝，牧丹蝦同大拖羅。粒貝爽彈好咬口，勁鮮甜。牧丹蝦同拖羅好新鮮, 拖羅直頭係入口即溶!然後就黎個一品料理，馬刀貝，有啲似中式嘅炒聖子，但係就冇中式咁鹹咁濃味，日式的比較鮮甜。食完料理就到食壽司啦，有三件壽司分別係北海道馬糞海膽，鯛魚同埋赤身壽司，全部都好新鮮， 北海道馬糞海膽鮮甜到令我覺得一件非常之唔夠喉，要食埋老婆嗰件先至夠哈哈！ 伴隨著三件壽司嘅仲有一件似足海綿蛋糕嘅海綿蛋，即時甜一甜，感覺好特別。甜一甜完又食返啲鹹，係飲麵豉蜆湯，湯入面有好多粒蜆！最後就係食甜品，甜品拼盤有四款，有芝麻雪糕，生果，柚子朱古力同埋櫻餅，有別於一般的廚師發板只有小量甜品給你淺嚐。芝麻雪糕好特別好有口感，並非一般好creamy嘅感覺。生果係士多啤梨和枇杷，好鮮甜。柚子朱古力好正
先黎嘅係前菜，有水雲髮菜蓉 ，千島醬天婦羅蝦，蕃薯枝豆豆腐，銀魚青椒仔，螢光魷魚，魷魚大根。 水雲髮菜其實係海藻，樣子似發菜。幾款先付酢後冰冰涼涼酸酸甜甜，係個開胃好開端。
前菜之後就係刺身，有3款，有粒貝，牧丹蝦同大拖羅。粒貝爽彈好咬口，勁鮮甜。牧丹蝦同拖羅好新鮮, 拖羅直頭係入口即溶!
然後就黎個一品料理，馬刀貝，有啲似中式嘅炒聖子，但係就冇中式咁鹹咁濃味，日式的比較鮮甜。
食完料理就到食壽司啦，有三件壽司分別係北海道馬糞海膽，鯛魚同埋赤身壽司，全部都好新鮮， 北海道馬糞海膽鮮甜到令我覺得一件非常之唔夠喉，要食埋老婆嗰件先至夠哈哈！ 伴隨著三件壽司嘅仲有一件似足海綿蛋糕嘅海綿蛋，即時甜一甜，感覺好特別。
甜一甜完又食返啲鹹，係飲麵豉蜆湯，湯入面有好多粒蜆！
最後就係食甜品，甜品拼盤有四款，有芝麻雪糕，生果，柚子朱古力同埋櫻餅，有別於一般的廚師發板只有小量甜品給你淺嚐。芝麻雪糕好特別好有口感，並非一般好creamy嘅感覺。生果係士多啤梨和枇杷，好鮮甜。柚子朱古力好正好香！而櫻餅就煙煙韌韌，入面有紅豆蓉，上面加左粒櫻花同埋塊葉小小鹹，又鹹又甜好好食。
食完甜品，侍應就送上一杯熱綠茶，罪惡感大減。
此為 樁 ，每位$800另加一，是廚師發辦當中的平靚正好選擇。美中不足的是未能獲安排坐在師傅枱前， 同唔到師父傾計睇唔到佢哋表演有點可惜。
張貼
