農家樂湛江私房菜 (已結業)

同阿仔旺角周圍閒逛，突然想食酸菜魚，隨意揀咗呢間「農家樂湛江私房菜 」。店舖頗大，有兩層，上層設有廂房，適合朋友及家庭聚餐。提供有晚飯小菜、火鍋雞煲等。《酸菜鱼》，很有驚喜，超多魚肉而且十分鮮甜，肉質嫰滑冇骨。配有酸菜、青瓜、大豆芽和木耳，湯底夠熱又甜，我足足喝了兩碗多。《火腩炒芥蘭》，芥蘭菜炒得夠火喉，菜夠青嫰爽口，味道青甜冇苦味。腩肉肥瘦均勻，家常小菜。《鹽焗雞》雞肉咸香，十分好送飯。尤其欣賞師傅刀功好好，每件雞肉斬得好均勻，而且每件雞都有雞皮，賣相不錯。