旺角西洋菜南街間百寶利商業中心，上樓竟然藏住間「太空主題」餐廳J.moon！門口唔起眼，入面簡直係另一個世界，打卡影相勁出片📸！主打Signature Cocktails，最正係杯「Sagitta」，菠蘿同熱情果嘅酸甜勁清新，加埋雲呢拿香氣，飲落好似喺熱帶星球度假，難怪佢話「I'll fly you to the moon once again」，真係飲完飘飘然～
食物方面完全唔輸！燒牛肉泰式沙律🥗，牛肉燒得焦香，配埋泰式青醬，酸辣開胃，食肉獸必點！墨西哥夾餅超足料，燒牛肉塞到滿瀉，牛油果醬同番茄莎莎醬勁夾，咬落啖啖肉，幸福感爆棚🤤！明太子蝦牛油果壽司卷塔可，蝦肉彈牙，明太子鹹香，牛油果綿密，一口一個根本停唔到！北海道帶子藏紅花意大利飯，帶子大粒鮮甜，飯粒吸收晒藏紅花忌廉醬，仲有西班牙辣腸提味，層次超豐富！
