一休鐵板燒 (已結業)

🚩一休鐵板燒約咗上朋友屋企，諗住買啲嘢食上去，就黎左依間係位於Top附近嘅鐵板燒店😋唔好睇佢店舖細細，lunch hour都見幾多學生幫襯㗎〰️〰️〰️〰️〰️〰️〰️〰️〰️〰️〰️〰️〰️〰️〰️🌈日式炒麵 $38我今次揀嘅係烏冬+牛肉+一休醬油！一開始係佢用紙盒裝，睇落就細細盒，但返到屋企倒出黎食，原來都幾大一碟😆而且牛肉份量一啲都唔孤寒，食極都仲有！聽聞佢嘅特製醬油係有海鮮係入面嘅，唔會得個鹹字，加埋炒麵好惹味！🌈鵝肝鐵板燒 $68估唔到鵝肝咁大件咁厚身，食落好香油脂。法包都預先用牛油烘過😋呢個份量係出面西餐廳應該買緊$98😖呢度真係好抵食！