吃吧 (僑建大廈) (已結業)

旺角出名餐廳種類多，搵食方便又容易，今晚同朋友出開旺角行街就當然食埋晚餐，係開飯啦渡搵下餐廳，朋友想食西餐咁梗係搵下咩西餐又抵食又坐得舒服啦！係網上話哩間吃吧都唔錯，都幾有特色，望落都可以坐幾耐下，咁同朋友就諗住試下有幾掂。首先，望落餐廳設計都幾用心，私隱度都幾高，座位之間唔會太窄。看了一看餐牌打算食個墨汁多士，煙燻豬扒同慢煮牛柳，飲品都幾有特色，叫咗兩個飲品。墨汁多士夾上芝士火腿，都幾重鹹香味，包身尚脆口。慢煮牛柳經過慢煮肉質更嫩滑，入口肉汁都多，配菜都健康又夠飽肚。煙燻豬扒有淡淡既蘋果木味道，入口好軟 有少少肥膏依附住，令味道更加豐富。飲品用咗舊式花瓶玩味十足，入口不算太甜，算易口。總括黎講下次可以一大把朋友黎食，仲有房供應，好貼心嘅選擇。