村上居酒屋 (已結業)

旺角呢頭想食啲高質嘅日本，行下街見到呢間都幾啱我哋口味，所以就入咗去食啦。我哋都叫咗好多唔同嘅嘢食，呢個係蟹籽青瓜沙律，食完呢個好清新，而且好開胃， 巨蟹仔又多 ，啲沙律醬同青瓜又好夾。呢個日本蠔真係好大隻， 一啖真係食唔曬，而且好有鮮味， 佢最好味係唔會太重蠔味，加埋少少海水味喺度真係一流。牛油果軟殼蟹卷 都整得好出色，嗰啲軟殼蟹炸得好脆，加埋牛油果有種清新嘅感覺，可以同軟殼蟹嘅鹹味中和。我哋仲叫咗雞串， 燒得啱啱好 ，外面一啲都唔會有燒焦情況， 而且啲雞肉串嘅燒汁 同雞肉好配合。呢個燒北海道魷魚筒都幾抵食 ，因為佢大份量，而且燒得好好，啲汁同魷魚嘅味道好配合，魷魚亦都燒得彈牙。我哋食咗咁多嘢估唔到食呢個鰻魚飯都食得曬，因為真係好好味。 佢好多鰻魚之餘，嗰啲飯都沾滿咗鰻魚汁，所以食落去好開胃。