影片
更多
2021-08-22
95 瀏覽
每次經過旺角都見到呢間餐廳大排長龍，之前食過佢間姊妹店都覺得唔錯，今次就專登同男友一齊去食！🍡Expresso Tonic HK$42又係一個咖啡與梳打水嘅組合，咖啡飲落好Fruity，帶有甜味！🍡Dirty HK$47我哋加錢轉咗燕麥奶，飲落好香，咖啡味唔濃，但都透到少少咖啡味！🍡炙烤鮪魚佐芥末蛋黃醬 HK$98吞拿魚色澤紅潤，而且好厚肉，配上芥末蛋黃醬簡直一流！第一啖會食到芥末醬，然後浮出吞拿魚本身嘅鮮甜，最後再品嚐到炙燒嘅風味！如果本身好喜愛芥末醬嘅人會覺得啲味道加埋好突出，但由於我對芥末醬唔係咁喜好，略嫌芥末醬有點過多，有少少搶咗吞拿魚本身炙燒嘅風味！🍡嫩煎鮭魚·定食 HK$108午市定食包咗一個糖心蛋，三杯菇同漬物！三杯菇呢個配菜令我好驚喜！菇類好滑，佢嘅醬料都融入晒喺菇入邊，所以好入味！三文魚皮煎得比較挺身，但食落內裡嫩滑，就算我冇加檸檬都唔會有腥味！白飯同時間都唔馬虎，落咗日本飯素，有芝麻有蔥，即時幫白飯加添左香味！🍡京蔥檸檬味噌豬腩定食 HK$78豬腩肉燒得表面好靚，同時好嫩滑，唔會燒得過老！一開始會以為豬腩肉比較肥膩，但食落口又完全唔覺！本身豬腩肉帶有味噌味，但估唔到
🍡Expresso Tonic HK$42
又係一個咖啡與梳打水嘅組合，咖啡飲落好Fruity，帶有甜味！
🍡Dirty HK$47
我哋加錢轉咗燕麥奶，飲落好香，咖啡味唔濃，但都透到少少咖啡味！
🍡炙烤鮪魚佐芥末蛋黃醬 HK$98
吞拿魚色澤紅潤，而且好厚肉，配上芥末蛋黃醬簡直一流！第一啖會食到芥末醬，然後浮出吞拿魚本身嘅鮮甜，最後再品嚐到炙燒嘅風味！如果本身好喜愛芥末醬嘅人會覺得啲味道加埋好突出，但由於我對芥末醬唔係咁喜好，略嫌芥末醬有點過多，有少少搶咗吞拿魚本身炙燒嘅風味！
🍡嫩煎鮭魚·定食 HK$108
午市定食包咗一個糖心蛋，三杯菇同漬物！
三杯菇呢個配菜令我好驚喜！
菇類好滑，佢嘅醬料都融入晒喺菇入邊，所以好入味！
三文魚皮煎得比較挺身，但食落內裡嫩滑，就算我冇加檸檬都唔會有腥味！
白飯同時間都唔馬虎，落咗日本飯素，有芝麻有蔥，即時幫白飯加添左香味！
🍡京蔥檸檬味噌豬腩定食 HK$78
豬腩肉燒得表面好靚，同時好嫩滑，唔會燒得過老！一開始會以為豬腩肉比較肥膩，但食落口又完全唔覺！
本身豬腩肉帶有味噌味，但估唔到配上嘅檸檬醬汁就完全變咗另一種味道！啱晒啲想嘗試晒兩種味道嘅人！檸檬醬汁食落唔會酸，其實有啲似西檸雞味！但佢係帶有少少蜜糖甜，但亦都唔會話太過甜！
張貼
