由內蒙直送羔羊，部位分得極細，
有d矜貴到一隻羊只得一碟，認真講究。
就連醬汁都係專為羊肉而設，夠晒專業👍🏻
揀咗鴛鴦鍋（$88）
一邊係清甜雞湯鍋+卜卜蜆，另一邊係濃湯鍋。
兩個湯底都清甜唔油膩，用來涮羊肉唔會搶咗羊嘅鮮味。
✦ 羊肉部位試勻晒 ✦
🔸 招牌羊上腦肉（$188/200g）
全隻羊最精華，只得200g，脂肪勻稱，
入口軟滑帶淡淡奶香！
🔸 招牌高鈣肉（$188/200g）
帶脆骨，咬落爽脆有嚼勁，羊味濃又唔膻。
🔸 百日羔羊肉（$148/200g）
肉質細嫩，羊香味重，完全冇膻味，口感似高級肥牛。
🔸 羔羊後腿肉（$168/200g）
運動多所以肉質實淨，愈嚼愈香。
🔸 百日羊尾巴肉（$128/200g）
脂肪豐盈但唔膩，入口即化，膠質豐富。
✦ 配料 & 串燒 ✦
🔸 桂花蚌（$138）
爽脆鮮甜，淥完仲有海水香氣，點蒜蓉辣醬油超正！
🔸 雨衣鮮竹笙（$68）
吸盡湯汁，爽口入味。
🔸 馬鮫魚丸（$48）
魚皮餃嘅丸版，幾特別
🔸 招牌經典烤羊小排（$28/串）
外脆內軟，孜然香突出，好惹味。
🔸 鹽燒蝦蝦（$88/4隻）
鹹香夠味，蝦肉彈牙。
✦ 飲品 & 甜品 ✦
🔸 鹹檸七（$48）解膩一流。
🔸 水果蜜桃茶（$48）
用雜果同香桃沖製，甜甜哋解辣剛好。
🔸 紅豆陳皮糖水（$38），紅豆起哂沙，入口粉綿，陳皮味到位。
環境闊落坐得舒服，仲有串燒、海鮮選擇，
咁樣慢慢食，傾計打邊爐最啱！
