御．八幡屋日本料理 (已結業)

御·八幡屋 終於放工啦，呢日約埋朋友去到位於旺角兆萬中心放題餐廳，我知道最近新推出左磯燒放題，一於來試試佢。寄銷拼盤包括鮑魚、北海道燒蟹蓋、大赤蝦及扇貝，而無限任叫嘅就有蟶子、海蝦、貝殼生蠔同埋青口。我最喜歡食鮑魚同埋大赤蝦，自己加小小鹽去調味，鮮味十足，夠晒吸引。另外我哋都叫咗天婦羅，炸蝦天婦羅層炸漿唔會太厚，啱啱好，熱辣辣好正！另外仲有北海道燒帶子，係用錫紙兜裝住，上面有勁多芝士，仲加左啲沙律醬係入邊，非常滋味。另外我哋仲叫咗啲串燒，有大蔥豚肉串同埋汁燒墨魚咀等，調味啱啱好，唔錯。日式牛肉鍋估唔到都幾足料，有勁多牛肉，配上生雞蛋一隻，令口感更嫩更滑，而且湯底係壽喜燒嘅湯底，甜甜的，非常惹味。最後仲叫咗甜品，有楊枝甘露同埋櫻花奶凍，仲可以任食雪糕雪條等，真係好滿足。