台食館 (豉油街)

之前食過呢間台式餐廳，一路都想再食，終於有時間過黎食多次
《紅燒牛肉麵》
價錢唔算貴，但份量都唔少！
台灣手工扁麵好粗條，口感十分煙韌，好好咬口。掛湯力強, 充分吸收到牛肉湯既鮮味。
厚切牛肉，肉味十分濃郁，入口軟腍，紅燒味濃，而且有層次感。
湯好好飲，有藥材味，覺得好補身，好飲到成碗湯都飲曬！

5/5  必試！

紅燒牛肉麵

《台灣蔥油餅》

蔥油餅唔算厚，但煎得好香好脆，台灣蔥既味道出曬黎 
今次貪心點多左，食完牛肉麵太飽食唔曬，食左兩塊就打包返屋企俾老公食
4/5  值得嘗試！

台灣蔥油餅