啲牛牛就有常見既包括五花趾、吊龍、匙柄、雪花、牛胸油～我地最愛牛胸油同埋匙柄，好有肉味，切到厚薄適中，又有少少嚼勁。
海鮮方面都唔錯，係跟諗人頭上～有海鮮拼盤鮑魚、生蠔、海蝦、沙白，自助區有任fill 既青口同沙白～海鮮質素好唔錯！特別係海蝦，好鮮甜彈牙！除左拼盤之外，仲有好幾款手工滑，都好值得試！有啲仲加左蟹籽，好有口感豐富。
自助吧真心高質，如果唔係特叫想食潮汕牛，其實叫c餐美國牛放題真係好高性價比！除咗常見嘅款式，仲有水蓮、冰菜、黃喉、鵝腸！同自家制餃子！每人只係百幾蚊，抵到爛！
店內仲有其他炸物、前菜！一定要食炸南乳雞翼，大大隻又香又膽又有肉汁正！手工鹹蛋黃魚皮又係必食，我地食左3盤！基本上啲炸物都好正！
飲品甜品亦有好多選擇，有自家制茶、啤酒、汽水、雪糕～真心好抵食！
18
