影片
更多
2021-01-08
65 瀏覽
旺角玩味十足特色米線🤪米線控必試💫今日先嚟到旺角雲魅試呢個好好玩嘅米線🍜有好多都唔同嘅配料😍同湯底🥣，下午茶時段去仲好抵食添❤️ 下午茶餐過橋米線配熱飲☕️$78配料：鵪鶉蛋 餐肉 魚腐 車厘茄 玉米粒 酸菜 響鈴 炸醬 酥肉 芫茜蔥 肥牛（豬腩肉）-鵪鶉蛋🥚：其實打咗落去之後都搵唔番隻蛋🤪，所以冇咩感覺😂-酥肉：炸粉多咗啲，味道一般😕-肥牛🥩：質素中上，牛味濃，冇筋💫有三片-酸菜🌱：切得夠碎，唔會太咸，帶微酸，令成個米線生色不少😙-響鈴：細細舊 估佢唔到都幾脆😋 唔夠清清嘅湯底加返少少油香😍-其他配料都質素發揮正常👍🏻湯底：-雲魅特色湯 ：係一個酸辣嘅湯底黎🌶，其實唔太辣，辣度10小更低，用上每日鮮製雞湯，加埋秘製醬汁，配米線一流👍🏻-雲魅香濃蕃茄湯🍅：飲得出係用肉茄熬煮🍅 味道比較清淡，帶微酸，係天然嘅蕃茄味😺麵底：-米線：比較幼身 爽嘅質感🙌🏻 浸湯亦唔會過份發漲 份量都多-七彩麵：麵身比較淋 係普通麵條嘅口感 🍜飲品：熱朱古力味道正常🍫，朱古力味濃唔會太薄嗰種。熱蘋果蜜🍅係小朋友蘋果果汁嘅清淡版🤫環境方面，餐廳位於旺角鬧市中💫，位置好容易搵到。餐廳入面光猛寬敞🌠，有足夠嘅座位，仲有
今日先嚟到旺角雲魅試呢個好好玩嘅米線🍜有好多都唔同嘅配料😍同湯底🥣，下午茶時段去仲好抵食添❤️
下午茶餐過橋米線配熱飲☕️$78
配料：鵪鶉蛋 餐肉 魚腐 車厘茄 玉米粒 酸菜 響鈴 炸醬 酥肉 芫茜蔥 肥牛（豬腩肉）
-鵪鶉蛋🥚：其實打咗落去之後都搵唔番隻蛋🤪，所以冇咩感覺😂
-酥肉：炸粉多咗啲，味道一般😕
-肥牛🥩：質素中上，牛味濃，冇筋💫有三片
-酸菜🌱：切得夠碎，唔會太咸，帶微酸，令成個米線生色不少😙
-響鈴：細細舊 估佢唔到都幾脆😋 唔夠清清嘅湯底加返少少油香😍
-其他配料都質素發揮正常👍🏻
湯底：
-雲魅特色湯 ：係一個酸辣嘅湯底黎🌶，其實唔太辣，辣度10小更低，用上每日鮮製雞湯，加埋秘製醬汁，配米線一流👍🏻
-雲魅香濃蕃茄湯🍅：飲得出係用肉茄熬煮🍅 味道比較清淡，帶微酸，係天然嘅蕃茄味😺
麵底：
-米線：比較幼身 爽嘅質感🙌🏻 浸湯亦唔會過份發漲 份量都多
-七彩麵：麵身比較淋 係普通麵條嘅口感 🍜
飲品：熱朱古力味道正常🍫，朱古力味濃唔會太薄嗰種。熱蘋果蜜🍅係小朋友蘋果果汁嘅清淡版🤫
環境方面，餐廳位於旺角鬧市中💫，位置好容易搵到。餐廳入面光猛寬敞🌠，有足夠嘅座位，仲有少少街景可以睇到🏙。餐廳嘅衛生措施都做得好足，餐具亦乾淨。🍴
員工方面，人手亦好夠，而且feel到係好有人情味❤️嗰種餐廳。最後老闆娘仲送咗一樽自家製XO醬🌶俾我哋，感覺好窩心。🥰
食物質素方面，整體都食得飽而且每樣配料嘅質素都屬於中上水平👍🏻，係偶爾有一兩樣味道一般啲。如果肥牛有多幾片就更加好啦😻
總括而言呢一個價錢，仲包埋飲品☕️，又有得玩又有得食，影相打卡又咁靚📸，簡直係冇得輸啦。有興趣嘅你哋就快啲去試吓啦！💓
人均消費：90以下
地址：旺角彌敦道724-726號18樓
#雲魅
#米線
25 瀏覽
0 讚好
0 留言
過橋米線下午茶餐
$78
3 瀏覽
0 讚好
0 留言
肥牛
5 瀏覽
0 讚好
0 留言
七彩面🌈
7 瀏覽
0 讚好
0 留言
蘋果蜜 熱朱古力
2 瀏覽
0 讚好
0 留言
張貼
