潮州鹵漢大飯店 (已結業)

同朋友都係潮州人，講起呢間餐廳一開頭都誤以為食中菜🤣，其實係火鍋店黎😝。趁天氣仲凍即刻約佢試一次😎。7點前去到啱啱好有位，好似基本上2個人都係坐4人枱，所以坐得好舒服，抵讚👍🏻。同朋友揀左Set B，正價時間$298 120min放題任食。最近應該做promotion食Set B/C仲會延長30min，即係可以食足150min😳😱！🔅手搖海鮮袋海鮮🦑按人頭份量，有龍蝦、鮑魚、帶子等等，好豐富😋。醬揀左蒜蓉味🧄，店員會幫手shake勻👍🏻。海鮮配蒜蓉勁惹味，真係無得輸🥺，誠意推薦蒜蓉味。🔅肉類牛同豬肉質都唔錯😌，推薦安格斯牛頸脊同牛板腱，牛味夠濃，油脂分佈平均，牛頸脊仲超大塊🤣。雖然肉類應該預先切定，但食落無雪味🖖🏻，order完又好快拎黎，叫幾多都黎足晒👍🏻。🔅火鍋配料選擇非常多，推薦娃娃菜、炸豆腐串同豆卜，吸晒滷水湯底超正🤤！手打蝦滑同墨魚滑都唔錯😋✨。🔅特色小食有炸物、潮州鹵水特色小食、黃油鹽焗雞、蒜蓉粉絲蒸蠔、扇貝等等，好豐富😎。試左麻辣豬手同潮式反沙芋都幾正😋。💬呢次打邊爐食到超飽超滿足，滷水汁做湯底真係唔錯，香濃但唔會好鹹，有驚喜！加埋個海鮮shake shake真係好正😚。