🍴鵝肝牛竹炭漢堡 $118 (7.5/10)
份量足，有蕃茄，生菜，煙肉，雞蛋，牛肉餅，芝士，鵝肝，包好鬆軟，係冇竹炭味XD 係個顏色嚟嘅，用咗千島醬，牛肉好淋，鹹鹹地，全熟都唔會鞋，煙肉煎都好香唔會鹹，鵝肝好香，煎得得啱啱，好淋好滑，整齊配搭都幾唔錯，都幾好食。本來跟餐配薯條，但係唔係好想食煎炸嘢所以都轉左沙律，沙律用咗芝麻醬都好新鮮。
🍴卡邦尼炸雞 $128 (7/10)
係港式炸雞嚟嘅，外脆內軟，炸雞炸得啱啱好，有肉汁，但卡邦尼醬太少，唔係好食到？農夫包好香脆，芝士味好香濃比較鹹香。薯餅同埋脆片都好香脆正正常常，沙律都係一樣。
🍴是日特飲 蜜桃梳打 (7/10)
用蜜桃汁同埋七喜去溝，都幾香蜜桃味，同埋七喜嘅甜，就係蜜桃味嘅汽水🥤
推薦指數: 7.5/10
去到通菜街都可以試吓呢間小店Cafe，burger分量足又足料，價錢應該食物都ok，方便又就腳！
1
