大排檔火鍋

營業中

休息中

今日約左朋友在旺角行街，晚飯時間經過呢間有幾個魚缸在門口位既小菜館，我哋被生猛既海鮮吸引左，就決定入去醫肚。店內環境光猛，牆上貼左好多小菜圖片，圖文並茂；除左小菜，仲可以食火鍋，配料選擇豐富。鯪魚球雜菌湯：湯既配料好多，金菇、新鮮冬菇味道鮮甜，鯪魚球爽口彈牙，湯頭無添加味精，吸收晒配料既精華，上枱一刻，熱騰騰既香氣樸鼻而來。乾魷魚炒芹菜萵筍：乾魷魚爆炒後，散發著咸香味道，配上多種健康蔬菜，包括黑木耳、蓮藕片、芹菜和萵荀，令整道菜非常惹味。咕嚕炸魚塊：用左帶魚皮既石斑塊，酥炸後魚皮脆卜卜，魚肉少骨，肉質鮮味，配甜酸醬汁、洋蔥和三色椒，口感開胃。總結，食物好味，份量大，上菜速度快，港式大排檔風味。