影片
更多
2022-05-24
331 瀏覽
💎總評分：8.0/10-日式/台式火鍋放題就試得多，最近旺角開咗間新穎嘅泰式火鍋放題🇹🇭，一共有3個set選擇，任食120分鐘⏰。分別當然係價錢同食物嘅種類啦，不過全部set都可以任夾流水蝦🦐，夠晒gimmick！小編今次揀左set C有成110種食物，介乎$268-298之間💰，價錢因應入座及離座時間而定~星期五、六、日、假期同假期前夕會每位+$10，另外特別日子就每位+$20。1️⃣ 湯底一共有8種泰式口味，有辣有唔辣，可選一人一個小鍋或者一個大鍋🍲。小編揀咗大鍋鴛鴦底另+$48。湯底當然要試最有泰式風味嘅冬蔭公鍋🥘，同埋比較特別嘅青檸椰奶雞湯鍋🐓。金色湯鍋已經好有feel，一嚟到仲傳出陣陣香味，令人食慾大增😋。湯頭調味一流，值得一讚嘅係比預期中少油，而且食到最尾都係見到有一片清泉，未至於最個湯面舖晒油，比普通火鍋仲少油呢個認真神奇👏🏻！2️⃣ 活蝦放題餐廳除左有得食，仲有得玩，可以自助補捉活蝦🦐。由於啲蝦都好生猛，記得要放定啲冰落個桶先再放蝦入去🧊，如果唔係放佢地落鍋就好大機會會跳下跳下😅。3️⃣ 自助區自助區有超過60款嘅選擇，除左一般嘅丸類同蔬菜供自取🥬，仲有配合反泰式主題嘅泰式小菜。先
-
日式/台式火鍋放題就試得多，最近旺角開咗間新穎嘅泰式火鍋放題🇹🇭，一共有3個set選擇，任食120分鐘⏰。分別當然係價錢同食物嘅種類啦，不過全部set都可以任夾流水蝦🦐，夠晒gimmick！
小編今次揀左set C有成110種食物，介乎$268-298之間💰，價錢因應入座及離座時間而定~星期五、六、日、假期同假期前夕會每位+$10，另外特別日子就每位+$20。
1️⃣ 湯底
一共有8種泰式口味，有辣有唔辣，可選一人一個小鍋或者一個大鍋🍲。小編揀咗大鍋鴛鴦底另+$48。湯底當然要試最有泰式風味嘅冬蔭公鍋🥘，同埋比較特別嘅青檸椰奶雞湯鍋🐓。金色湯鍋已經好有feel，一嚟到仲傳出陣陣香味，令人食慾大增😋。湯頭調味一流，值得一讚嘅係比預期中少油，而且食到最尾都係見到有一片清泉，未至於最個湯面舖晒油，比普通火鍋仲少油呢個認真神奇👏🏻！
2️⃣ 活蝦放題
餐廳除左有得食，仲有得玩，可以自助補捉活蝦🦐。由於啲蝦都好生猛，記得要放定啲冰落個桶先再放蝦入去🧊，如果唔係放佢地落鍋就好大機會會跳下跳下😅。
3️⃣ 自助區自助區有超過60款嘅選擇，除左一般嘅丸類同蔬菜供自取🥬，仲有配合反泰式主題嘅泰式小菜。先食D嘅木瓜沙律開下胃🥙，原條烤魚不停推出🐟，海南雞質素有驚喜🐔，配油飯又得，淨係冬蔭公炒飯都有！仲有小編最愛嘅泰式炒肉碎😍～微辣偏鹹但係用生菜包住就 perfect👍🏻！
4️⃣ 飲品&甜品區除咗一般茶類，汔水，仲有泰式奶茶同龍眼冰，夠晒泰國風味🍹。多款嘅泰式糕點輪流轉換，仲有珍多冰可以自行調製🧁。
5️⃣ 火鍋配料火鍋配料包括有多款牛豬雞🐖、墨魚滑、台式蛋餃🥟，響鈴。Set C多3款牛：特選金錢展、美國特級牛板、澳洲產穀飼黑安排斯🐂，果然係咁多款肉內面質素最好，值得為佢地升級加錢食最貴嘅set C😛。
6️⃣ 小食除左自助區嘅小食之外，泰式串燒🍢同泰式鳳爪又點可以錯過！兩款都同外面泰餐/串燒店嘅水準一樣，淨係串燒都分分鐘值回票價💯。
火鍋放題係香港絕對一啲都唔陌生，但泰式主題算比較少見同新穎🤩，仲要有流水蝦夾生猛新鮮又有好玩🙆🏻♀️，食物同環境足滿泰國風味，仲有幾款泰式小菜，認真有誠意👍🏻！-
環境服務：⭐⭐⭐⭐
食物質數：⭐⭐⭐⭐
打卡指數：⭐⭐⭐
題外話/補充資料：
🚗 餐廳位於旺角創興廣場，最方便都係搭地鐵到旺角站或油麻地站行過嚟約5分鐘，或最近泊喺朗豪坊。
(以上食評乃用戶個人意見 , 並不代表OpenRice之觀點。)
張貼
