地址：旺角山東街53號地舖
1
呢間喺旺角山東街開咗一年有多嘅江戶壽司秀 @sushi_shu_hk 成日都見到坐滿客人🈵，喺門外望一望佢嘅Menu，原來晚市Omakase只喺做緊$480/$680/$980，價錢唔算太貴嘅情況之下，又喺正鬧市中心，相信就喺吸引唔少人去幫襯嘅原因😎
原來佢哋啱啱開咗第4間黃埔新店，除咗有1間喺日本大阪之外，仲有另1間喺尖沙咀漢口道
餐廳坐到大概20人，食Omakase緊喺要坐Bar格望住師傅一邊整一邊食啦🤩，叫咗個中間價位嘅「秀」Omakase Set($680)，加加埋埋有17樣嘢食，其中包括前菜、6件刺身、7件壽司、1件手卷、1碗味噌湯同1份甜品
✝️前菜
慢煮過後嘅鮟鱇魚肝帶有一粒粒橙色的亮點，原來喺鮟鱇魚肝嘅結晶，要夠新鮮同靚嘅魚先有，食落特別鮮味，入口綿密細膩，味道同鵝肝有得fight😈
✝️季節刺物6款
本身以為刺身逐件上，點知原來砌好一碟一次過上，有油甘魚、深海池魚🐟、中拖羅、鯛魚、八爪魚同赤貝，除咗中拖羅之外每樣都有兩件，味道正常發揮，尚算新鮮🌊
✝️手握壽司7件
手握壽司分別有深海池魚(又叫縞鰺)、金目鯛、油甘魚、櫻花蝦、赤貝、大拖羅同
北海道海膽壽司。有三款壽司嘅海鮮同刺身撞咗，有少少失望🙍♂️，不過多咗醬料同日本米嘅配搭又喺另一做食法嚟嘅。
金目鯛經過火槍炙燒完之後加咗蘿蔔蓉同醬油，就咁聞都已經好香；
我比較鍾意嘅喺櫻花蝦壽司同大拖羅壽司🍣，大拖羅嘅油脂細膩豐富、魚香濃郁、入口即溶，真喺好想食多幾件🙈
✝️手卷1件
由師傅親手遞上嘅吞拿魚蓉手卷，加咗香蔥、芝麻、醬油等配料，自己加多少少Wasabi就已經好好食😋
✝️味噌湯
呢個味噌湯夠驚喜🎉，用咗三文魚去煮，仲有大大舊三文魚肉，另外加咗京蔥、白蘿蔔、紅蘿蔔、香蔥等配料，熱辣辣得嚟夠晒足料豐富，飲落唔會好鹹，飲完呢碗湯就好似清返成個口腔咁😆
✝️甜品
最後嘅甜品有芝麻紅豆大福同黑糖雲呢拿和菓子，鍾意食日式甜品嘅人就啱晒喇😛
店員都幾勤密幫手斟茶🍵，所以keep住都有暖笠笠嘅茶飲🥰，不過就無提供到紙巾同濕紙巾，畢竟食手卷都要用手接，呢方面喺遜色咗少少嘅🤏
