睇到餐牌同店內裝修，得知餐廳在舊年先開業
，餐牌仲寫明 since 2020。
1
食用當日為平日下午，全場8張枱同一張吧枱剛好full 晒
，好彩友人預早book 定枱，如果唔係就要等位。窗口位有小樹葉作裝飾，又可以望下街景，整體餐廳環境佈置確不錯，感覺亦非常舒適。
1. 招牌名古屋蒲燒鰻魚蛋包意大利飯($158) 連湯同埋餐飲(咖啡或茶)。鰻魚好大條，肥瘦適中，加上紫菜絲及木魚片，充滿日式味道。而蛋夠滑包住熱辣辣且香噴噴的意大利飯，確係好味
我見到餐牌有優惠，只要叫了主食，有優惠叫青口一份$98 可以加一蚊任食青口
如果係青口控就一定不要錯過
2. 跟餐的櫻花濃蝦湯，入口啖啖濃郁的蝦味，好真材實料，如果單點一碗要$38，現在跟餐送上，確係抵。
3. 香草蜜糖無激素雞翼($58)，即叫即做，上枱熱辣辣，雞翼外甜內肉軟，又有肉汁，好快就比我哋兩人清晒。
3. 跟餐的熱咖啡，上枱時已聞到一陣香濃咖啡味
4. 蜜桃果粒茶($42)，成壺花茶上枱好治癒，可以慢慢品嚐，顏色又靚，入口陣陣桃香味
5. 雪糕格仔餅(原價$38，現半價$19
)，有兩球大大雪糕，真係好抵食，格仔餅咬落鬆軟，再連埋 cream 同雪糕三樣一齊食，確另有一番風味
6. 富士蘋果芝士蛋糕(原價$38，現第二件只需加$1就可以多一件
)香濃的芝士蛋糕，內裡配上粒粒清新蘋果肉，好食到一陣就清晒件蛋糕。整體來講，餐廳環境舒適，食物水準高上，加上價錢實優(有加$1任食青口、半價甜品、加$1配多件甜品)，真係要一試再試，但一定要記得 book 位，因為坐位有限
