影片
更多
2018-02-02
1498 瀏覽
一出lift就可以見到有大大隻匙羹同差喺度，超級易認。因為鋪頭坐落於彌敦道嘅樓上鋪，所以坐窗邊嘅話可以清晰望到彌敦道。另外由於係樓上鋪嘅關係所以人流相對會比較少，絕對係同朋友傾計嘅好地方餐牌嘅選擇都算多，要肉有肉，要麵有麵如果揀唔落手嘅話店員仲會推介一啲招牌菜添！小編今次首先就試咗店員推介嘅黑松露·煙火腿·芝士多士先。呢一個多士小編覺得絕對係必叫呀！多士一攞上枱就聞到好香嘅黑松露味，而黑蚊蚊其實係竹炭多士嚟㗎，多士做得非常之脆口，真係超級正。多士裏面嘅芝士份量亦都非常之足夠（其實應該話多到爆炸至岩呀），絕對可以做到拉絲效果啊！而且裏面仲有啲煙火腿喺度，口感都算豐富架！呢一個蘋果木煙薰西班牙豬扒呢一個同樣亦係店員推介，味道仲唔錯添！豬扒切到一條條咁，而且有返一定嘅厚度，另外切開中間仲有少少嫩粉色添，所以入口嫩滑而且爽口添！另外估唔到豬扒入口又真係有蘋果木嘅煙薰味喎，的確幾特別下。不過對於小編來講就覺得調味唔係太足夠，但係而家呢個少量嘅調味先至可以食到豬肉嘅香味，好難取捨啊🤔下面嗰啲紫色嘅其實係紫薯嚟㗎，加入左牛油一齊攪，所以可以食到好香嘅牛油味，而且因為係紫薯嘅關係所以食埋佢都會比較飽肚
因為鋪頭坐落於彌敦道嘅樓上鋪，所以坐窗邊嘅話可以清晰望到彌敦道。
另外由於係樓上鋪嘅關係所以人流相對會比較少，絕對係同朋友傾計嘅好地方
餐牌嘅選擇都算多，要肉有肉，要麵有麵
如果揀唔落手嘅話店員仲會推介一啲招牌菜添！
小編今次首先就試咗店員推介嘅黑松露·煙火腿·芝士多士先。
黑松露·煙火腿·芝士多士
$78
23 瀏覽
1 讚好
0 留言
呢一個多士小編覺得絕對係必叫呀！多士一攞上枱就聞到好香嘅黑松露味，而黑蚊蚊其實係竹炭多士嚟㗎，多士做得非常之脆口，真係超級正。多士裏面嘅芝士份量亦都非常之足夠（其實應該話多到爆炸至岩呀），絕對可以做到拉絲效果啊！而且裏面仲有啲煙火腿喺度，口感都算豐富架！
呢一個蘋果木煙薰西班牙豬扒呢一個同樣亦係店員推介，味道仲唔錯添！
蘋果木煙薰西班牙豬扒
$188
34 瀏覽
1 讚好
0 留言
豬扒切到一條條咁，而且有返一定嘅厚度，另外切開中間仲有少少嫩粉色添，所以入口嫩滑而且爽口添！另外估唔到豬扒入口又真係有蘋果木嘅煙薰味喎，的確幾特別下。不過對於小編來講就覺得調味唔係太足夠，但係而家呢個少量嘅調味先至可以食到豬肉嘅香味，好難取捨啊🤔下面嗰啲紫色嘅其實係紫薯嚟㗎，加入左牛油一齊攪，所以可以食到好香嘅牛油味，而且因為係紫薯嘅關係所以食埋佢都會比較飽肚架！
今次小編想去主要係最想試佢哋嘅慢煮牛柳，因為都幾多人介紹下㗎，個個都話超好味。
慢煮牛柳
$198
25 瀏覽
1 讚好
0 留言
雖然呢張相就認影得唔係太靚，影到成個黑炭咁。但係切開夠牛柳裏面仲係粉紅色㗎，不過小編掛住食唔記得左影😂
牛柳嘅肉質非常之嫩口，而且仲非常之juicy添！最重要嘅係佢一D都唔韌丫！另外牛柳上面嗰啲泡泡除咗睇得之外亦都食得架，同牛柳隻味仲幾夾添！最特別嘅就係佢竟然擺咗舊蒜頭喺牛柳隔離，將裏面嘅蒜油到出嚟同牛柳一齊食味道嘅變化會更加大。雖然睇落牛柳嘅份量就好似少咗啲，不過食埋個薯蓉就啱啱好啦，薯蓉方面小編估計佢應該同牛油一齊撈埋，因為入口有好香嘅牛油味。整體來講小編都覺得唔錯，雖然牛柳本身冇咩調味，但加埋個醬汁同蒜油一齊食都夠味㗎！
小編見用得佢哋個名Chiba尼做飲品名，估計應該Chiba’s Special Home Made Soda呢杯嘢飲都會幾好味。
CHIBA’S SPECIAL HOME MADE SODA
$65
16 瀏覽
0 讚好
0 留言
店員介紹嗰陣話裏面嘅梳打其實係西柚提子梳打，本來小編以為剩係得個名，點知飲落又真係有西柚同提子味喎。一入口會飲到好香嘅西柚味，然後就會慢慢有提子味浸出嚟，個人覺得幾特別下。另外梳打裏面仲有大量嘅新鮮水果，所以整體嘅味道都好清新，啲水果粒仲可以食埋添。
其實本身小編對呢杯熱情果接骨木花茶嘅興趣就唔算好大，不過一聽到原來係用花樽尼載着，即刻忍唔住要嗌尼試吓！
熱情果接骨木花茶
$49
24 瀏覽
0 讚好
0 留言
飲品一攞到上枱小編就影個不停，佢哋竟然用花樽嚟裝野飲呀！
其實飲品嘅紅茶味就比較重，不過熱情果味就唔算好突出，但隱約都可以飲到熱情果味嘅。至於接骨木花方面小編平時就比較少接觸到，所以都唔係好確定到底佢係咩味同埋花茶裏面到底有冇接骨木花嘅味。
張貼
